Қазақстан ҚР Президенті кезекті мерзімді әскери қызметке шақыру туралы Жарлыққа қол қойды
Әскерге шақыруды кейінге қалдыруға немесе қызметтен босатуға құқығы жоқтарды қоспағанда шақырту 18-ден 27 жасқа дейінгі еркек жынысты азаматтарға келеді
Қазақстан Президенті Қасымжомарт Тоқаев мерзімді әскери қызметтегі әскери қызметшілерді запасқа шығару және азаматтарды 2022 жылы кезекті мерзімді әскери қызметке шақыру туралы Жарлыққа қол қойды, деп хабарлайды Устинка LIVE тілшісі.
Құжатқа сәйкес, 2022 жылғы наурыз-маусым және қыркүйек-желтоқсан айларында белгіленген мерзімді өткерген мерзімді әскери қызмет әскери қызметшілері қарулы күштер, ІІМ, ТЖМ, Ұлттық қауіпсіздік комитеті, Мемлекеттік күзет қызметі қатарынан запасқа шығарылуы тиіс.
Сонымен қатар, осы кезеңде мерзімді әскери қызметке шақыруды кейінге қалдыруға немесе шақырудан босатуға құқығы жоқ 18-ден 27 жасқа дейінгі ер азаматтар шақырылуға тиіс.
Осы Жарлықпен жергілікті атқарушы органдарға тиісті әскери басқару органдары арқылы азаматтарды шақыруды жүргізуді ұйымдастыру және қамтамасыз ету ұйғарылды.
Үкіметке, ҰҚК-ге, Мемлекеттік күзет қызметіне азаматтарды мерзімді әскери қызмет өткеру және белгіленген мерзімде әскери қызметшілерді қызметтен шығару үшін жөнелтуді қаржылық және материалдық қамтамасыз етуді ұйымдастыру тапсырылды.
Жарлық алғашқы ресми жарияланған күнінен бастап қолданысқа енгізіледі.
