Қазақстан Қазақстанда мониторингтік топтардың жұмысы тоқтай ма?
ҚР Денсаулық сақтау министрлігінің Санитарлық-эпидемиологиялық бақылау комитетінің төрағасы бұдан былай тексерулер болмайтынын мәлімдеді
Жуық арада карантиндік шектеулердің жеңілдетілуіне байланысты мониторингтік топтардың жұмысы тоқтатыла ма?
- Тексеру, жазалау деген мақсатымыз жоқ. Біз әлі күнге дейін бизнестің, жұмыс берушілердің және азаматтардың санасына сенеміз. Өйткені бұл, ең маңызды дүние – сіздердің әрқайсысыңыздың, жалпы қоғамның және біздің жақындарымыздың денінің саулығы. Пандемия соңғы сынақ емес. Тарих көрсеткендей, басқа да аурулардың өршуі бар. Естеріңізде болса, жыл сайын бір-екі рет жұқпалы аурулардың өршуі мүмкін. Иә, бұл пандемияға келмейді. Бірақ соған қарамастан эпидемиологиялық жағдай күрделене түсуде, – деп жауап берді ҚР Денсаулық сақтау министрлігі Санитарлық-эпидемиологиялық бақылау комитетінің төрайымы Айжан Есмағамбетова.
Ол сонымен қатар монтиронг жүргізуші топтардың қызметі Қоғамдық денсаулық сақтау кодексімен реттелетінін атап өтті. Дегенмен, топтардың жұмысының бірыңғай ережелері жоқ.
- Бүгінде кодексті жүзеге асыруда қоғаммен, бизнеспен талқылайтын ережелерді әзірлеп жатырмыз. Бұл ережелер құқықтық акт болып, Әділет министрлігінде тіркеледі және бас мемлекеттік санитарлық дәрігер қандай да бір шектеулер енгізген жағдайда мониторингтік топтардың жұмысын анықтайды, - деді Айжан Есмағамбетова.
