Қазақстан Қазақстанда локдаун енгізілмейді – ҚР ДСМ
Елімізде пандемия басталғаннан бері коронавируспен ауырған 1 миллион 100 мың 876 адам тіркелген
Қазақстанда коронавирус індетінің асқынып бара жатқанына қарамастан, оқшаулау режимін енгізу жоспарда жоқ, деп хабарлады Денсаулық сақтау министрі Ажар Гиният.
Бүгінгі таңда бүкіл ел бойынша оқшаулау жоспарланбаған. Өйткені, қазір біз қолданып жатқан шектеу шараларының барлығы денсаулық сақтау жүйесіне түсетін салмақты азайтуға, коронавирустық инфекциядан болатын өлім-жітім деңгейін төмендетуге бағытталған. Соның арқасында денсаулық сақтау жүйесінің шамадан тыс қиындап кетуіне жол бермейді және жедел көмек бүкіл халыққа қолжетімді болды, - дейді Ажар Ғиният сейсенбі күні өткен брифингте.
Үкімет отырысында ол Қазақстанда соңғы бір айда коронавирус жұқтырғандар саны 19,6 есеге өскенін хабарлады.
Соңғы тәулікте Қазақстанда коронавирус инфекциясын жұқтырған 15 872 жағдай тіркелді.