Қазақстан Егер ТЖ режимінде құжаттардың жарамдылық мерзімі өтіп кетсе, не істеу керек?
Аймақ полициясы төтенше жағдай режимі кезінде шұғыл ауыстыруды қажет етпейтіндердің тізімін атады
ШҚО Полиция департаменті елдегі төтенше жағдай кезінде қандай құжаттар міндетті және шұғыл ауыстыруға жатпайтыны туралы айтты, деп хабарлайды Устинка LIVE тілшісі.
Мемлекет басшысының "төтенше жағдайды енгізу туралы" Жарлықтарына байланысты ел аумағында қолданылу мерзімі төтенше жағдай кезеңінде аяқталған мынадай құжаттар жарамды деп танылады:
- Қазақстан Республикасы азаматының паспорты және жеке куәлігі;
- Шетелдіктің Қазақстан Республикасында тұруына ықтиярхат;
- Азаматтығы жоқ адамның куәлігі;
- Босқын куәлігі;
- Пана іздеген адамның куәлігі;
- Қазақстан Республикасында уақытша тұруға рұқсат;
- Визалар;
- Еңбекші көшіп келушіге рұқсат.
Жоғарыда көрсетілген құжаттарды ауыстыру (ұзарту) төтенше жағдай аяқталғаннан кейін әкімшілік жауапкершілікке тартылмай жүзеге асырылатын болады, - деді ШҚО ПД көші-қон қызметі басқармасының бастығы Ербол Бекпаев.
Бұл ретте көрсетілген мәселелер бойынша Қазақстан Республикасының азаматтары мен шетелдіктер төтенше жағдай аяқталғаннан кейін 30 тәулік ішінде өтініш білдіре алады.
