Қазақстан Өскеменде ҚР Тәуелсіздігінің алғашқы жылдары туралы айтылды
О. Бөкей атындағы қалалық кітапханада Тұңғыш Президент күніне арналған қаланың құрметті тұрғындарының, студенттердің, құқық қорғау органдары өкілдерінің және журналистердің кездесуі өтті
Кездесуге қаланың дамуына өз еңбегімен үлес қосқан түрлі қызмет салаларының өкілдері қатысты, деп хабарлайды Устинка LIVE тілшісі.
Құрметті қонақтар қатарында: көрнекті ақын, халықаралық, республикалық, өңірлік, облыстық айтыстардың бірнеше дүркін жеңімпазы, жүлдегері Абаш Кәкенов, журналист, ҚР еңбек сіңірген мәдениет қайраткері, Қазақстан Журналистер Одағының ШҚ облыстық филиалының төрағасы Жұмаділ Әділбаев, журналистика мэтрі, он жарым кітаптан астам кітаптың авторы Оңдасын Елубай, журналист, қоғам қайраткері Гүлбану Құсманова және т.б. еліміздің Тұңғыш Президентімен болған тағдыршешті кездесулерін еске алып, Қазақстанның игілігі жолындағы жағдай туралы әңгімеледі.
Сондай-ақ кітапханада Ұлт Көшбасшысы Нұрсұлтан Назарбаевқа арналған кітаптар көрмесі өтті.
Президенттің салиқалы саясаты мен Қазақстан халқының бірлігі арқасында қазір бізде экономиканың өсімі бар, қалалар мен өңірлер дамуда. Әлем саясаткерлері Нұрсұлтан Назарбаев әлемдік саясаттың патриархы деп бекер айтпайды. Ол осы жылдар ішінде біздің еліміз үшін өте көп жұмыс жасады, біз еңбектеніп, елімізді одан әрі дамыту үшін оның нұсқауларын ұмытпауымыз керек, - деді кездесуде Өскемен қаласының әкімі Жақсылық Омар.
