Қазақстан Шығысқазақстандықтардың демалыс күндері тұман мен көктайғақтан басталады
Ертең облыста дауылды ескерту жарияланды, өңірдің батыс бөлігі мен таулы аудандарында екпіні 23 м/с-қа дейін жететін қатты жел күтіледі
23 қазанда Шығыс Қазақстан облысының солтүстігінде тұман түсіп, көктайғақ болады. Өңірдің батыс бөлігінде және таулы аудандарында жел 15-20 м/с күшейеді, деп хабарлайды Устинка LIVE тілшісі.
ШҚО ТЖ департаментінің қызметкерлері шығысқазақстандықтарға дауылды ескерту кезінде қала сыртына шықпауды ұсынады.
- Ауа райы жағдайлары мен жолдардың жабылуы туралы "Дәрмен" мобильді қосымшасынан білуге болады. Жолға шығар алдында өзіңізбен бірге жылы киім, зарядтау құрылғысын және дәрі қобдишасын алыңыз, - деп толықтырды ведомстводан.
Құтқарушылар желдің қатты екпіні кезінде үйлердің қабырғаларына, аялдамаларға, билбордтардың жанына, ағаштардың астына тығылуға, сондай-ақ үзілген сымдар мен тербелмелі маңдайшаларға жақындауға болмайды деп ескертті. Ескі ағаштар мен ескі шатырлары бар ғимараттардың жанына көлік қоймауды ескертеді. Төтенше жағдай кезінде 112 нөміріне хабарласуға болады.
