Қазақстан Қазақстан Тәуелсіздігінің 30 жылдығы құрметіне орай рақымшылық кімге бұйырады?
"Рақымшылық жасау туралы" заң жобасының мақсаты-теріс қылықтар мен онша ауыр емес, ауырлығы орташа қылмыстар үшін жазаны өтеуден босату, сондай-ақ ауыр және аса ауыр қылмыстар үшін жазаның өтелмеген мерзімін қысқарту
Қазақстанда республика тәуелсіздігінің 30 жылдығы құрметіне рақымшылық жасауға егде жастағы сотталғандар, мүгедектер, сондай-ақ кәмелетке толмаған жаста қылмыс жасаған қамаудағылар түсуі мүмкін, деп хабарлады Қазақстан ІІМ Қылмыстық-атқару жүйесі комитетінің сотталғандарды медициналық қамтамасыз ету бөлімінің бастығы Жанар Шайдуллина.
Мемлекет басшысының тапсырмасына сәйкес Қазақстан Тәуелсіздігінің 30 жылдығына байланысты "рақымшылық жасау туралы" заң жобасы бойынша жұмыстар жүргізілуде. Заң жобасының мақсаты теріс қылықтар мен онша ауыр емес, ауырлығы орташа қылмыстар үшін жазаны өтеуден босату, сондай - ақ ауыр және аса ауыр қылмыстар үшін жазаның өтелмеген мерзімін қысқарту болып табылады, - деді Шайдуллина.
Азаматтардың әлеуметтік осал топтарына, қылмыстық құқық бұзушылық жасау кезінде кәмелетке толмағандарға, әйелдер мен егде жастағы еркектерге, мүгедектерге және қоғамға үлкен қауіп төндірмейтін басқа да адамдарға ерекше назар аударылды, - деп нақтылады ол.
Шайдуллина қазіргі уақытта заң жобасы Парламент Мәжілісі депутаттарының қарауында жатқанын еске салды.
Кәмелетке толмағандардың жыныстық тиіспеушілігіне қарсы қылмыстар жасаған адамдарға, террористік және экстремистік қылмыстарға, қылмыстық топтардың немесе ұйымдардың экс-қатысушыларына, сондай-ақ қылмыстардың қайталануы кезінде рақымшылық жасау қолданылмайды, - деп нақтылады ол.
