ШҚО-да әскери жаттығуларға дайындық жүріп жатыр

Бригадалық-тактикалық жаттығулар Семей гарнизонындағы  "Шығыс" полигонында өтіп жатыр. 

Жаттығуларға "Шығыс" өңірлік қолбасшылығы әскерлерінің басшысы генерал-майор Асан Жүсіпов жетекшілік етеді.

- Бригадалық-тактикалық жаттығулар 4 кезеңнен тұрады, - деп мәлімдеді Өскемен гарнизонының баспасөз қызметі. - Бірінші бригаданы әскери дайындықтың жоғарғы дәрежесіне жеткізу, келесі дайындық аумағына шығару, содан кейін маневрлік қорғанысқа дайындық, қорғанысты бастау.

Осы жаттығулардың ерекшелігі де сол – маневрлік қорғанысті енгізу. Жеке құрамның қауіпсіздік шараларын қатаң сақтауына ерекше назар аударылады. Жауынгерлік атыс бос снаряд пен патроннан жасалады.  

- Әскери қызметкерлері үнемі қару-жарақ, жауынгерлік техника, жарылғыш заттармен жұмыс жасайды. Әскери қызметте үнемі қауіп пен тәуекел қатар жүреді. Сондықтан да ешқайсымыздың қателесуге хақымыз жоқ. Өз міндетін дұрыс орындамағандар қатаң жауапқа тартылады, - деді Асан Жүсіпов.