Қазақстанда жаңа экология министрі тағайындалды

Бұрынғы экология, геология және табиғи ресурстар вице-министрі Серікқали Брекешев Қазақстанның экология, геология және табиғи ресурстар министрі болып тағайындалды, деп хабарлайды Устинка LIVE тілшісі. Бұл туралы Мемлекет басшысының баспасөз қызметі хабарлады.

- Серікқали Аманғалиұлы Брекешев Қазақстан Республикасының экология, геология және табиғи ресурстар министрі болып тағайындалсын, - делінген Ақорданың сайтында жарияланған Жарлық мәтінінде.

1972 жылы 14 қазанда Павлодар қаласында дүниеге келген. 1995 жылы Атырау политехникалық институтын "Мұнай және газ кен орындарын игеру"мамандығы бойынша бітірген. 

● 1995-1997 жылдары "Қазақстан-Ресей сауда үйі" БК экономисті, бас директорының орынбасары болып жұмыс істеді. 
● 1997 жылы Ақтау қаласы бойынша салық бөлімінің жедел бөлімінің инспекторы қызметін атқарды. 
● 1997-1998 жж. - арнайы техника мен қосалқы бөлшектер көлігі бөлімінің инженері, "Маңғыстаумұнайгаз" АҚ "Мұнайгермес"өнімді өткізу және материалдық-техникалық қамтамасыз ету басқармасы филиалы құбырлар және металл бұйымдары бөлімінің 8-разрядты инженері. 
● 1998-2006 жылдары - "Қарақұдықмұнай" жақ пайдалану инженері, кен орнында мұнай өндіру шебері, кәсіпшілік менеджері. 
● 2007-2014 жылдары энергетика және минералдық ресурстар, мұнай және газ министрліктерінде басшылық лауазымдарда жұмыс істеді. 
● 2015 жылдан бастап "ҚазТрансГаз" АҚ құрылымында жұмыс істеді - техникалық саясат департаментінің директоры, ГТҚ басқару жөніндегі басқарушы директоры, техникалық саясат жөніндегі басқарушы директор, өндірістік-техникалық департаменттің директоры, бас директордың техникалық саясат жөніндегі орынбасары болды.
●  2020 жылғы наурыздан бастап Қазақстан Республикасының экология, геология және табиғи ресурстар Вице-министрі.