Қазақстанда WhatsApp байланысы ақылы болмайды

Фактчекерлер Қазнетте тараған мессенджердегі хабарламалар мен қоңыраулар үшін төлем алынатыны туралы ақпаратты жоққа шығарды

Желіде қазақстандықтар ҚР цифрлық даму, инновациялар және аэроғарыш өнеркәсібі министрі Бағдат Мусиннің "ұсынысына" наразы. Пайда болған ақпаратқа сәйкес, министр WhatsApp-қа ақылы хабарламалар мен қоңыраулар жасауды ұсынды - бұл дұрыс емес, деп хабарлайды сайт Stopfake.kz.

- Хабарлама көзі Qazinform24 сатиралық Instagram-аккаунты болып табылады. Парақшада жарияланған барлық жаңалықтар сатиралық және "жалған жаңалықтар" санатына жататындығы айтылған, - дейді фактчекерлер.

Ведомствода сондай-ақ, ҚР ЦДИАӨМ министрі Бағдат Мусин мұндай мәлімдеме жасаған жоқ деп хабарлады.

- WhatsApp қосымшасындағы хабарламалар мен қоңыраулар үшін белгілі бір тариф бойынша ақы алу жоспарланғаны туралы ақпарат шындыққа жанаспайды, - деді цифрлық даму министрлігі.

Тақырыптар: Мессенджер WhatsApp Платные звонки и сообщения Министерство цифрового развития инноваций и аэрокосмической промышленности РК