Өскемендегі Тоғас көшесіндегі жөндеу жұмыстары қыркүйекте аяқталады

Бұл көшедегі асфальт биыл ғана жөнделіп тұрған жоқ.  Асфальттың тегістейтін қабатын жағу жұмыстары шілде айының аяғында басталған. Қазір  қиыршық тасты-мастикалық асфальттың екінші қабаты төселіп жатыр.

Шаһар басшысы Жақсылық Омар аталған аумаққа барып, жұмыстардың қалай жүріп жатқанын бақылап, құрылысшыларға жылдамдатуға тапсырма берді.

- Асфальт төсейтін 11 техника және коммуникация төсейтін алты бірлік техника жұмыс жасап жатыр, - деп мәлімдеді "ЭЛИТЭНЕРГОСТРОЙ" ЖШС мердігер ұйымы. - Асфальтпен мәселе жоқ. Тұрғындардың өтініші бойынша екі бұрылыс жол мен тағы бір аялдама орнаттық.

Мердігер ұйым Понтон көпіріне дейінгі негізгі жолдың 400 метрін 9 тамызда аяқтаймыз деп уәде берді.

Айта кетейіе, Өскемен қаласы әкімдігінің баспасөз қызметі Тоғас көшесіндегі жөндеу жұмыстары келесі айда толықтай аяқталады деп мәлімдеген.