Қымбат техникасын ұрлап кетті

Облыс орталығының тұрғынынан ноутбук пен лазерлік принтер алаяқ ұрлап кетті деп хабарлайды Устинка LIVE тілшісі. Ер адам жабдықты досыма сатамын деп уәде беріп,  бағалы заттарды алып жоғалып кеткен.

- 43 жастағы қала тұрғыны полицияға жүгінген. Ол белгісіз біреу оның ноутбугын және жалпы бағасы 160 мың теңгені құрайтын лазерлік принтерді иемденіп кеткенін хабарлады, - деп мәлімдейді ШҚО ПД. - Кейінірек, тәртіп сақшылары маусым айының басында жәбірленуші өзінің саяжайындағы еденді жөндеу үшін әлеуметтік желілерде ағаш сатып алу туралы жарнама орналастырғанын анықтады. Ер адам оған қоңырау шалып, арзан ағашпен қамтамасыз етуге уәде берді. Алаяқ қызмет үшін алдын-ала төлем сұраған, бірақ жәбірленушіде ақша болмай, ол төлем жасау үшін цифрлық жабдықты сатамын деген.

Полицияның хабарлауынша, ер адам жәбірленушіге цифрлық жабдықты досына сатамын деп уәде етіп, беруді ұсынған, ал әйел оған мүлікті берген. Осыдан кейін делдал жоғалып кеткен.

Полиция қызметкерлері сотталған 35 жастағы жергілікті тұрғынды ұстады. Оқиға фактісі бойынша ҚР Қылмыстық кодексінің 190-бабы «Алаяқтық» бойынша сотқа дейінгі тергеу амалдары жүргізілуде.