ШҚО-да мектептер жаңа оқу жылына дайын

Әкімдік отырысында аймақ басшысы атап өткендей, биыл 19 мыңнан астам бірінші сынып оқушылары мектеп табылдырығын аттайды. Шығыс Қазақстанның 100 мектебінде жаңа кабинеттер жабдықталып, асханалар жаңартылды. Барлық балалар ыстық тамақпен қамтамасыз етіледі. Көп балалы және аз қамтылған отбасылардың балалары үшін мектеп формасы  тегін болады.

Облыс әкімнің айтуынша ШҚО-да 114 үйірме мен секция жұмыс істейді. Бірақ бұл әлі де жеткіліксіз. Балалардың бәрі спортпен шұғылдануы қажет. Облыстық әкімдік қажетті құрал-жабдықтар сатып алуға, кәсіби жаттықтырушылар тартуға дайын.