Өскеменде велосипедтерді жалға беру станциялары жұмыс істейді

Бұл қызметті қолдану үшін облыс орталығының тұрғындарына арнайы карталар қажет болады, деп хабарлайды Устинка LIVE тілшісі.

 - Қазіргі уақытта төрт станция бойынша 20 велосипед таратылды. Барлық станциялар бейнебақылау жүйелерімен жабдықталып, "Сергек" камераларының қамту аймағында орналасқан, - деді қала басшысы. 

Алдағы уақытта қызмет сұранысқа ие болса, станциялардың да саны артады. Ал қазір қалада уақытша төрт нүктесі ашылатын болады. Олар: Өзен вокзалында, Жеңіс саябағында, Астана көшесіндегі жағалауда және "Самал" саябағында.
Жүйені пайдалану үшін тұрғындарға атаулы болып табылатын және Жібек жолы, 3 мекенжайы бойынша ресімделетін арнайы карталар қажет. Карта күн сайын велосипедті 30 минут ішінде пайдалануға мүмкіндік береді. Ұзақ уақыт бойы пайдалану келесі тарифтер бойынша картаның көмегімен қосымша төленеді:

• 31 минуттан 60 минутқа дейін-100 теңге;
• 61 минуттан 120 минутқа дейін-250 теңге;
• 121 минуттан 180 минутқа дейін-500 теңге;
• Әрбір келесі сағат-1000 теңге.

Карталарды маусымға (жарамдылық мерзімі 1 мамырдан 30 қыркүйекке дейін) 10 000 теңге бағамен немесе үш айға 6 000 теңге бағамен сатып алуға болады. Студенттер мен зейнеткерлер үшін 50 пайыз жеңілдік қарастырылған.