ШҚО-да бойжеткен суға батып кете жаздады

Оқыс оқиға кенсіз материалдар комбинаты ауданындағы қазаншұңқырда орын алды. 

Бұл жерді жедел құтқару жасағы күндіз-түні торуылдайды. Осының арқасында кеше құтқарушылар бір адамның өміріне араша түсті.

ШҚО ТЖД мәлімдегендей, құрбыларымен суға шомылып жүрген қыздың кенет жағдайы нашарлап кеткен.

- Құтқарушылар дереу әрекет етіп, оларға суға түсіп жүрген тағы екі ер адам көмектесіп, азаматшаның өмірін құтқарып, жағаға шығарып үлгерді, - деп қосыт мекемедегілер. - Жедел жәрдем жеткенше алғашқы көмек көрсетіп, бақылауда ұстаған.

Ал Күршім ауданында ер адамды ешкім құтқарып үлгермеді. ШҚО ТЖД мәлімдегендей, құтқарушылар кеше кешке жігіттің денесін су түбінен алып шықты.

- Өзенше шомылып жүрі, ер адамның батып кеткенін көрген тұрғындардың бірі құтқару қызметіне хабарлаған, - дейді құтқарушылар. - Алдын ала болжам – жабдықталмаған жерде суға түсу.