Қазақстанда жүкті әйелдерге вакцина алуға рұқсат етіле ме?

Санитарлық-эпидемиологиялық бақылау комитетінің ресми өкілі Ержан Байтанаевтың айтуынша, ведомство жүкті әйелдерді коронавирусқа қарсы вакциналауға тыйым салуды алып тастау мәселесін "қазіргі уақытта қарастырып отырған жоқ", деп хабарлайды Устинка LIVE тілшісі.

- Ресейде екпе салуға рұқсат етілгенін білеміз, алайда әзірлеуші Қазақстанға тиісті ұсынымдар жіберген жоқ. Олар жіберілсе, біз дәрігерлер кеңесін өткіземіз, онда тыйым салу немесе рұқсат беру туралы шешім шығарамыз. Мұның бәрі кеңеске байланысты. Қазір Қазақстанда жүкті әйелдерге "Спутник V" вакцинасын алуға тыйым салынған, - деді Байтанаев

Еске сала кетейік, Ресейде жүкті әйелдерге "Спутник V" салуға рұқсат берілді. Мұндай шешім вакцинаның қауіпсіздігін клиникаға дейінгі зерттеулердің оң нәтижелері, сондай-ақ клиникалық зерттеулер мен тіркеуден кейінгі кезеңдегі тиімділік пен қауіпсіздік бойынша жинақталған деректер ескеріле отырып қабылданды.