Ақтауда баланы тоқ соғып көз жұмды

Ақтауда (Маңғыстау облысының әкімшілік орталығы) бала электр тоғынан қайтыс болды, деп хабарлады Интерфакс-Қазақстан агенттігіне куәгерлер.

Куәгерлердің айтуынша, қайғылы оқиға сәрсенбіде қаланың 5-ші шағын ауданында болған.

- Бала электр бағанын ұстап алып, тоқ соғып қайтыс болды, - дейді куәгер.

Облыстық полиция департаментінің баспасөз қызметі 2007 жылы туған баланың өлімін растады.

- Оқиға орнында жедел-тергеу тобы жұмыс істеп жатыр, - деді департаменттің баспасөз қызметі.

Бұл бір аптаның ішінде қоғамдық орындарда электр тоғының соғуы тіркелген екінші жағдай. Біріншісі өткен сенбіде Алматыда болды. Қуанышқа орай, зардап шеккендер жоқ.  Қала орталығындағы субұрқақта екі қыз бен бір әйелді электр тоғы соқты. Үшеуі де ауруханада жатыр.