Қазақстанда "Дельта" штаммына байланысты халық қайта вакцинациялана ма?

Вакцина алу үшін қазақстандықтарға таңдауға төрт препарат қолжетімді. Олар: "Спутник V", отандық "QazVac", "Hayat-Vax" (БАӘ) және "Sinopfarm" (Қытай)

Алматыда "үнді" штаммына тән COVID-19 мутациясының ықтималдығы анықталған, халыққа қайта екпе егу жоспарланбаған. Бұл туралы қалалық санитарлық-эпидемиологиялық бақылау бөлімінің басшысы, қаланың бас мемлекеттік санитарлық дәрігері Жандарбек Бекшин хабарлады.

- Бұл мәселе онша маңызды емес. Өйткені бізде Спутник V әзірлеушілерінің ресми мәлімдемесі бар. Спутник V барлық белгілі мутацияланған штамдардан қорғайды, - деді Жандарбек Бекшин сәрсенбіде журналистердің халықты қайта егу жоспарланып отыр ма деген сұраққа жауап бере отырып.

Оның айтуынша, отандық "QazVac" вакцинасын жасаушылар COVID-19-ның барлық белгілі мутацияланған штамдарынан қорғаныс қабілеті бар екенін жариялады.

Осыған дейін Ресейдің Денсаулық сақтау министрлігі Гамалеи атындағы орталығының басшысы, Ресей Ғылым академиясының академигі Александр Гинцбург COVID-19 "үнді" штаммынан "Спутник V" вакцинасын алғаннан кейін есте сақтау жасушалары толық қорғалмайды деп мәлімдеген. Алты айдан кейін "Спутник Лайт" көмегімен ревакцинация жасау қажет.

"Үнді" штамына тән мутациясы Нұр-Сұлтан мен Алматыда анықталды.

Тақырыптар: Коронавирус в Казахстане Министерство здравоохранения РК "Дельта" штамм COVID-19 Повторная вакцинация от COVID-19