Мемлекет басшысы алматылық фонтанда тоқ соққан адамды құтқарған студентті марапаттады

Президент Қасым-Жомарт Тоқаев Алматыдағы субұрқақта тоққа түскен адамдарды құтқарған студент Абылай Балапановты құрмет грамотасымен марапаттады.

- Мемлекет басшысы адамдардың өміріне қатер төнгенде көрсеткен асқан ержүректігі мен батылдығы үшін Қ.Сәтбаев атындағы Қазақ ұлттық техникалық зерттеу университетінің 2-курс студенті Абылай Балапановты Құрмет грамотасымен марапаттады, - деп хабарлады президенттің баспасөз хатшысы Берік Уәли өзінің Facebook парақшасында.

Абылай Балапанов өткен демалыс күндері Алматы қаласындағы субұрқақтардың бірінде тоқ соғып, зардап шеккен әйел мен екі баланы құтқарып қалған.

ШҚО билігі Өскеменнің тасымалдаушыларына жаңа автобустар сатып алуға көмектеседі

Қаланың көлік қызметкерлері техниканы лизингке алуға ниетті, мемлекет пен ЕҚДБ сатып алуға қолдау көрсетеді.

Бүгін ШҚО әкімі Даниал Ахметовпен бірге қала тасымалдаушылары облыс орталығындағы автобус парктерінің жылжымалы құрамын жаңарту, сондай-ақ қоғамдық көлікте электрондық билеттеу жүйесін енгізу мәселелерін талқылады, деп хабарлайды Устинка LIVE тілшісі.

- Әңгіме барысында Қазақстанның басқа қалаларында өзін көрсете білген электрондық билеттеу тақырыбы қозғалды, - деп хабарлады өңір басшысының баспасөз қызметі. - Ол Жолаушылар тасымалы саласының ашықтығын қамтамасыз етуге мүмкіндік береді, бұл әсіресе автобустардың жеке иелерімен ынтымақтасатын жергілікті автопарктер үшін өзекті. Сондай-ақ, кездесуге қатысушылар субсидиялау мәселелерін талқылады.

Айтпақшы, тасымалдаушылар жұма күнгі наразылық акциясы кезінде Жақсылық Омардың келтірілген  дәлелдерін негізді деп тапты (наразылық акциясы бойынша материалға сілтеме). ШҚО әкімінің баспасөз қызметі хабарлағандай, Даниал Ахметовпен кездесу барысында қаланың көлік компанияларының өкілдері электронды билеттеу жүйесі жеңілдетілген санаттағы жолаушылардың нақты санын көрсете алатынын атап өтті. Демек, алынған мәліметтер бөлінген субсидиялардың мөлшерін дәл есептеуге мүмкіндік береді.

- Кездесуде қозғалған тағы бір маңызды мәселе - автобус паркін жаңарту, - деп жалғастырды ШҚО әкімінің баспасөз қызметі. - Жаңа көлікті сатып алу жайлылықты, маршруттарға қызмет көрсетуге арналған конкурстар шарттарының сақталуын және бірінші кезекте жолаушылардың қауіпсіздігін қамтамасыз етеді. Облыс орталығының кейбір компаниялары техниканы лизингке алуға ниетті, оның үстіне мемлекет пен ЕҚДБ қолдау көрсетуге дайын.

Облыс әкімдігі хабарлағандай, кездесу қорытындысы бойынша билік пен көлік қызметкерлері келісімге келді. Ол бойынша тасымалдаушылар өз саласын дамыту жоспарын жасайды, оған бағыттарды өзгерту бойынша ұсыныстар, сондай-ақ автопарктердің жылжымалы құрамын жаңарту тетіктері кіреді. 

Айта кетейік, әкімдік пен облыс орталығының көлік компаниялары өкілдерінің келесі кездесуі екі айдан кейін өтеді, онда ШҚО әкімінің баспасөз қызметі түсіндіргендей, нақты шешімдерге көшуді жоспарлап отыр.