Өзін-өзі оқшаулау режимін бұзған 165 адамға 87 510 теңге айыппұл салынады

Қазақстанда өзін-өзі оқшаулау режимін қасақана бұзған коронавирус инфекциясы (КВИ) бар 165 адамды әкімшілік жауапкершілікке тарту жоспарлануда, деп хабарлады "Интерфакс-Қазақстан" агенттігіне Денсаулық сақтау министрлігі Санитарлық-эпидемиологиялық бақылау комитетінің ресми өкілі Ержан Байтанаев.

- 10-14 маусым аралығында "Ashyq" жобасына қатысатын объектілерде "қызыл" мәртебесі бар 165 адам және "сары" мәртебесі бар 168 адам тіркелді. СЭС органдары "қызыл" мәртебесі бар адамдарға қатысты әкімшілік құқық бұзушылық туралы іс қозғау бойынша жұмысты бастады, - деді сейсенбіде Байтанаев.

10 маусымнан бастап республикада КВИ науқастары мен байланыста болғандар үшін оқшаулаудың міндетті режимін көздейтін санитариялық-эпидемиологиялық талаптар күшіне енді. Осы талаптарды орындамағаны үшін 30 АЕК (айлық есептік көрсеткіш) немесе 87 510 теңге мөлшерінде айыппұл көзделген.