Әкімдерді сапасыз тұрғын үй құрылысы үшін қызметінен босатты

Президент Әкімшілігінің тексеруі Солтүстік Қазақстан облысына қоныс аударушылар үшін тұрғын үйлердің сапасыз салынғаны туралы ақпаратты растады. Бұл туралы Мемлекет басшысының баспасөз хатшысы Берік Уәли мәлімдеді.

- Жүргізілген тексеру қорытындысы бойынша фактілер расталды. Үкімет пен облыс әкімдігі анықталған кемшіліктерді жоюмен айналысуда, - делінген хабарламада.

- Осы бағыттағы жұмысты қанағаттанғысыз ұйымдастырғаны үшін Солтүстік Қазақстан облысының Айыртау және Есіл аудандарының әкімдері қызметінен босатылды. Облыс әкімінің орынбасарына, облыстық жұмыспен қамтуды үйлестіру және әлеуметтік бағдарламалар басқармасының басшысына, сондай-ақ облыстың бес ауданының әкімдеріне тәртіптік жаза қолданылды, - деп атап өтті баспасөз хатшысы.

Осыған дейін хабарланғандай, Қазақстан президенті Қасым-Жомарт Тоқаев өз әкімшілігіне 2021 жылғы 24 мамырда "Казахстанская правда" газетінде жарияланған "Енжарлықтың кепілгерлері" мақаласында баяндалған ақпаратты тексеруді және проблемаларды шешуді тапсырды.

Мақалада үш жыл бұрын қоныс аударушыларға берілген тұрғын үйге әлі құжаттар берілмегені, аудан тұрғындары бір шақырымға су тасуға, ал қыста қар еруге мәжбүр екендігі айтылған. БАҚ мәліметінше, қоныс аударған қазақстандықтар үшін ауданда жұмыс жоқ. Қазақстанда қоныс аудару "Еңбек" нәтижелі жұмыспен қамтуды және жаппай кәсіпкерлікті дамыту мемлекеттік бағдарламасы шеңберінде жұмыс күші артық оңтүстік облыстардан елдің солтүстігіне қарай жүзеге асырылады.