Екпе алған азаматтарға арналған ұтыс ойыны жарияланды

Алматының Алатау ауданында 2-9 маусым аралығында коронавирусқа қарсы алғашқы вакцина алған азаматтар сыйлықтарға ие болады.

- 2021 жылғы 2-9 маусым аралығында кесте бойынша Алатау ауданының барлық мемлекеттік емханаларында алғашқы вакцинаны алған тұлғалар үшін жүлделермен ұтылыссыз акция өткізіледі, - деп хабарлады дүйсенбіде мегаполис әкімінің баспасөз қызметі.

Сонымен қатар Алатау ауданы әкімдігінің және кәсіпкерлердің қолдауымен 2 маусым мен 30 маусым аралығында емханалардың егу пункттерінде тұрмыстық техниканың (тоңазытқыш, кір жуғыш машина, қысқа толқынды пеш және т.б.) ұтыс ойыны өткізіледі.

- Алғашқы вакцинаны алған тұлғалар 30 маусымда өтетін осы ұтыс ойынына қатыса алады, - делінген хабарламада.