Вакцина алған шетел азаматтары Қазақстанға ПТР-анықтамасыз келе береді

Шығыс Қазақстан облысының Полиция департмаентінде коронавирус вакцинасын алған шетелдіктердің Қазақстанға келуі үшін ПТР анықтамасының қажет пе екенін айтты, деп хабарлайды Устинка LIVE тілшісі.

- Шекарадан өтудің жаңартылған тәртібіне сәйкес, ҚР-да COVID-19 қарсы вакцинация курсын толық алған, Қазақстанда тұрақты тұруға ықтиярхаты бар шетел азаматтарынан ПТР-анықтама талап етілмейді, - дейді ведомстводағылар. 

Елге кіру вакцина алғандығын растайтын құжаттары (вакцинация төлқұжаты) болған жағдайда жүзеге асырылады.

Қалған жағдайларда, теріс нәтижелі ПТР-анықтамасы COVID-вакцинасы болғанына қарамастан Қазақстанға келетін шетелдіктер үшін міндетті.