Нұр-Сұлтан тұрғындарына шетелдік сайттарға кіру мәселесі туралы ескертілді

Нұр-Сұлтанда 6 желтоқсаннан бастап киберқауіпсіздік бойынша оқу-жаттығулар басталады, қалалықтарға шетелдік интернет-ресурстарға қол жеткізудегі ықтимал проблемалар туралы ескертті.

ҚР Цифрлық даму, инновациялар және аэроғарыш өнеркәсібі министрлігінде хабарлағандай, ағымдағы жылы пандемияға және қашықтықтан жұмыс түрлеріне көшуге байланысты еліміздің цифрлық кеңістігіне кибершабуылдар жиілеп кетті.

- Атап айтқанда, 2020 жылы өткен жылдың сәйкес кезеңімен салыстырғанда қазақстандық интернет сегментіндегі кибершабуылдар саны 2,7 есеге жуық өсті, - делінген ведомство хабарламасында.

Киберқауіптерден қорғауға ақпараттық қауіпсіздіктің ұлттық үйлестіру орталығы және "Қазақстанның киберқалқаны" жүйесі, кибершабуылдарды талдау және тергеу орталығы, сондай-ақ КВОИКИ ақпараттық қауіпсіздіктің жедел орталықтары мен байланыс операторларының, мемлекеттік органдар мен жеке компаниялардың ақпараттық қауіпсіздікті қамтамасыз ету жөніндегі бөлімшелерінің күштері мен құралдары тартылатын болады.

- Киберқауіпсіздік кезеңінде кейбір шетелдік интернет-ресурстарға қол жеткізуде түрлі проблемалар туындауы мүмкін, оларды қауіпсіздік сертификатын орнату арқылы жоюға болады. Оны орнату бойынша толық ақпарат алу үшін байланыс операторларына олардың ресми интернет-ресурстарына және техникалық қолдау қызметтеріне жүгіну қажет, - делінген хабарламада.