Қазақстанда карантин уақытында тұрмыстық қылмыс 21%-ға артқан

Бұл туралы ІІМ Әкімшілік полиция комитетінің ювеналды полиция және әйелдерді зорлықтан қорғау басқармасының басшысы Әсет Оспанов мәлімдеді.

- Тұрмыстық зорлық-зомбылық саны 21%-ға артты, - дейді Әсет Оспанов. - Ағымдағы жылы осындай қылмыс бойынша 13 мың адам жауапқа тартылған. Денсаулыққа жеңіл зиян келтіргендер – 6,5 мың, ұрып-соққаны үшін 3,5 мың, тағы 2 мыңнан астам адам қорғаныш ұйғарымын бұзғаны үшін жазаланды.

Ал әкімшілік жауапқа 8 мыңнан астам адам тартылған. Оның жартысына жуығы әкімшілік қамауға алынған.