Алексей Цой: "Ашық ауада 5 жасқа дейінгі балалар маска кимесе болады"

Қазақстанның денсаулық сақтау министрлігі көшеде қорғаныс маскаларын міндетті түрде кию туралы құжатқа жас балаларға қатысты аталған талапты алып тастайтын өзгеріс енгізді.

- 5 жасқа дейінгі балалар, сондай-ақ әлеуметтік қашықтықты сақтай отырып, 5 адамнан аспайтын топта жеке және топтық спортпен шұғылданатын адамдар ашық ауада бетперде кимесе болады, - делінген денсаулық сақтау министрлігінің сенбі күні таратылған баспасөз қызметінің хабарламасында.

Сонымен қатар, министрлік "5 жастан асқан балаларға маска кию міндетті" деп атап өтті.

Денсаулық сақтау министрлігі ата-аналар мен балалар өз үйлерінің аулаларында серуендеу кезінде бетперде кию керек пе, жоқ па екендігін түсіндірді: "Жеке үйдің ауласында жоқ. Көп қабатты тұрғын үйдің ауласында - иә, қажет. Бес жасқа дейінгі балаларды қоспағанда, сондай-ақ әлеуметтік қашықтықты сақтай отырып, отбасы мүшелерінің серуендеуін қоспағанда ".

Бұл норма қоғамда теріс қабылданды, кейбір сарапшылар, тіпті, сәбилерге арналған маскалардың қауіпсіздігі туралы айтты.

Сондай-ақ, денсаулық сақтау министрлігі көлікте кімге маска кию керектігін түсіндірді.

- Егер көлік қоғамдық болса (автобус, пойыз, ұшақ, кеме немесе такси) - онда міндетті (қорғаныс маскасын – ИФ-K). Егер жеке көлік болса, онда-жоқ. Сонымен қатар, жеке көлікте бір отбасы мүшелері міндетті емес, бірақ біз маска кию аурудың қаупін 30% төмендететінін көрсететін ғылыми негіздемені ескере отырып ұсынамыз, - деді министрлік