Каспий итбалығы Қазақстанның Қызыл кітабына енгізіледі

Қазақстанның экология, геология және табиғи ресурстар министрлігінің Орман шаруашылығы және жануарлар дүниесі комитетінде Каспий итбалығын сирек кездесетін және құрып кету қаупі төнген жануарлар түрлерінің тізбесіне енгізу туралы мәселе қаралды.

- Отырыс қорытындысы бойынша, жалпы алғанда, осы су жануарын өсімдіктер мен жануарлардың сирек кездесетін және жойылып кету қауіпі төнген түрлерінің тізіміне енгізу мақұлданды, - деп жазды Сәкен Ділдахмет өзінің Facebook-тегі бетінде.

Оның айтуынша, бұл Каспий итбалығын сақтауға мүмкіндік беретін қосымша шара, сондай-ақ болашақта ерекше қорғалатын табиғи аумақты құру үшін маңызды дәлелдердің бірі болады.

- Каспий итбалығы басқа Каспий маңындағы елдерде Қызыл кітапқа енгізілгенін атап өту қажет, - деп жазды ол.