Ресеймен шекараның жанында тұратын қазақстандықтар дәрі-дәрмектерді тасымалдай алады

Орталық коммуникациялар қызметінде өткен брифингте ҚР Денсаулық сақтау вице-министрі Людмила Бюрабекова Ресеймен шекаралас аумақта тұратын қазақстандықтар өздері немесе жақындары үшін дәрі-дәрмектерді еш қиындықсыз тасымалдай алатынын айтты, деп хабарлайды Zakon.kz сайты. Басқа мемлекеттен дәрілік заттарды тасымалдау үшін қазақстандықта өзімен бірге тиісті құжаттары болуы тиіс.

Людмила Бюрабекова Республикада заңнамалық деңгейде өз қажеттіліктері үшін дәрі-дәрмектерді әкелуге шектеу жоқ екенін атап өтті.

- Бұл "Халық денсаулығы және денсаулық сақтау жүйесі туралы" ҚР кодексінде жазылған. Яғни, тиісті құжаттарды ұсынған жағдайда, бұл дәрілік заттың курстық дозасы немесе жақын туыстары үшін әкелуге тыйым салынған жоқ, - деді ҚР Денсаулық сақтау министрлігінің вице-министрі.