Қазақстанда коронавирустан вакцина шығаратын зауыт салынады

ҚР Премьер-министрі Асқар Мамин құрылыс жұмыстарын биылғы жылдың желтоқсан айында аяқтауды және жыл сайын 60 млн доза биофармацевтикалық дәрі-дәрмектер өндіруді жоспарлап отырғанын атап өтті

Қазақстан Үкіметі баспасөз қызметінің ақпаратына сүйенсек, Асқар Мамин Жамбыл облысы Гвардейский кентінде вакцина шығаратын биофармацевтикалық зауыттың құрылысын бастады.

- Зауыт тиісті өндірістік тәжірибенің (GMP) халықаралық стандарты бойынша иммунобиологиялық дәрілік препараттар, соның ішінде коронавирустық инфекцияға қарсы вакцина шығаратын болады. Қазіргі уақытта Қазақстан ҒЗИ-ның COVID-19 қарсы кандидаттық вакцинасы ДДҰ тізіміне енгізілді және клиникаға дейінгі сынақтан сәтті өтуде, - делінген хабарламада.

Кәсіпорында сондай-ақ пандемиялық тұмауға, туберкулезге, бруцеллезге, нодулярлық дерматитке, ұсақ күйіс жануарларының обасына, қой мен ешкінің контагиозды эктимасына, қой шешегіне, құтырмаға және басқа да жұқпалы ауруларға қарсы вакциналар жүргізіледі.

Тақырыптар: Завод по производству вакцины Премьер-министр Казахстана Аскар Мамин Строительство здания