Қазақстан ҚР Президентінің баспасөз хатшысы короновирус жұқтырды
Бұл туралы Берік Құрманғали өзінің фейсбуктағы парақшасында хабарлады, Қасым-Жомарт Тоқаевтың денсаулығына еш қауіп жоқ
Қазақстан президентінің баспасөз хатшысы Берік Құрманғали одан коронавирустық инфекция анықталғанын және қазір өзінің ауруханада екендігін хабарлады.
- Қымбатты достар! Өкінішке орай, коронавирустың соңғы сынағы барлық сақтық шараларына қарамастан, оң нәтиже көрсеткенін хабарлауым керек. Қазір ауруханада дәрігерлердің бақылауындамын. Жағдайым қанағаттанарлық, - деп жазды Берік Құрманғали фейсбук парақшасында. - Президент Қ. Тоқаев кестеге сәйкес жұмысты жалғастырып келеді, оның денсаулығына ешнәрсе қауіп төндірмейді деп бірден мәлімдегім келеді. Мемлекет басшысы үнемі тестілеуден өтеді, - деп атап өтті баспасөз хатшысы.
Ол сондай-ақ Президенттің елордалық резиденциясында "санитарлық тәртіп күшейтіліп, қауіпсіздік шаралары күшейтілгенін" хабарлады.
Берік Құрманғали баршаны "өз денсаулығыңыз бен туыстарыңыздың саулығы үшін" карантин режимін және алдын алу шараларын қатаң сақтауға шақырды.
- Пандемияға жеңіл қарауға болмайды. Өздеріңізді сақтаңыздар! – деп жазды ол.
Айта кетерлік жайт, бүгінгі таңда Қазақстанда COVID-19 жұқтырғандардың жалпы саны 12 694 адамға жетті, сауығып кеткен науқастардың саны 7135 адам. Өлім жағдайлары - 53.