Қазақстан Елжан Біртанов Қазақстанда вакцинация мәжбүрлі болып табылмайды деп мәлімдеді
Сонымен қатар, ҚР Денсаулық сақтау министрі бүгінгі таңда вакцинация халықты инфекциядан қорғаудың жалғыз әдісі екенін атап өтті
Facebook-тегі өз парақшасында Елжан Біртанов вакцинация - бұл жеке профилактикалық медициналық қызмет, ол қолданыстағы Кодекс пен "Халық денсаулығы және денсаулық сақтау жүйесі туралы" жаңа Кодекс жобасы бойынша кез келген азаматқа тек адамның өзінің немесе оның заңды өкілінің келісімі бойынша жүргізіледі деп жазды.
Сондай-ақ, денсаулық сақтау министрі кез келген адам немесе ата-ана вакцинациядан бас тартуға құқылы екенін айтты. Ол мәжбүрлі емес.
- Халықты вакцинациялау - халықты инфекция індетінен қорғаудың жалғыз, ғылыми негізделген және дәлелденген әдісі, сондықтан ол кез келген мемлекет үшін, кез келген халық үшін міндетті, бұл мемлекеттік денсаулық сақтаудың міндетті шарасы, - деп атап өтті Елжан Біртанов.
Министрдің айтуынша, егер вакцинация міндетті болмаса, ол перзентханалар мен емханалар дәрігерлерінің орындауы үшін міндетті емес болады.
- Бізге бұл вакциналарды сатып алу міндетті емес. Жылына 4 миллионнан астам бала туған кезде және кейін мемлекет есебінен полиомиелит, туберкулез, сіреспе, қызылша, көкжөтел, гепатит, пневмония және басқа да инфекциялардан тегін вакцинацияланбайтын болады, - деп толықтырды Біртанов.
