Тоқаев: "Қазақстанда COVID-тің екінші толқынының қауіпі сейілмей тұр"

Мемлекет басшысы Қасым-Жомарт Тоқаев коронавирустың екінші толқыны туралы пікір білдірді, - деп хабарлайды Toppress.kz

Бұл туралы Президент Twitter желісінде жазды.

- Үкіметтік комиссияның барлық іс-әрекетіне қарамастан індетке шалдыққан азаматтарымыз азаймай отыр. К/вирустың екінші толқынының қауіпі сейілмегенін ДДСҰ да растады. Отандастарымызды жаппай ауруға шалдығудан қашып, індеттен қорғанудың жолдарын (арақашықтықты сақтау, дезинфекция, жеке тазалық, бетперде кию) ұстануға тағы да шақырамын, - деп жазды Тоқаев.

Еске салайық, Қазақстанда коронавирус жұқтырғандардың саны 12 мыңнан асты. Аурудан 6240 адам айықса, қайтыс болғандардың саны 48-ге жетті.

Тақырыптар: Глава Казахстана Касым-Жомарт Токаев Угроза второй волны коронавируса Карантинные меры