Қазақстанда жұмыссыз тұрғындар ТЖ кезінде тегін білім ала алады

Елімізде төтенше жағдайдың енгізілуіне байланысты көптеген қазақстандықтар жұмыстан айрылды, олардың көбі жылдар бойы жұмыспен қамту орталықтарында есепте тұр, деп хабарлайды Қазақпарат сайты.

Осылайша, ҚР Еңбек және халықты әлеуметтік қорғау министрлігі Coursera жаппай онлайн-білім беру платформасымен қазақстандықтарға сұранысқа ие мамандықтар бойынша тегін курстардан өту мүмкіндігі туралы келісімге келді. Нәтижесінде жұмыссыз қазақстандықтар 298 түрлі курс бойынша білім ала алады. Онлайн-курстардың ұзақтығы алты аптадан он аптаға дейін.

- Біз келіссөздер жүргіздік, келіссөз барысында 2020 жылдың соңына дейін 50 мың жұмыссыз қазақстандықты тегін оқытуға уағдаластық, – деп хабарлады ҚР Еңбек және халықты әлеуметтік қорғау вице-министрі Нариман Мукушев.