Қазақстан Азаматтардың әскерге жарамай қалуына көбіне қандай ауру себеп?
Қазақстанда әскерге жарамсыз делінетін азаматтардың көбінің психикасы мен мінез-құлқында ауытқу бар
Бұл туралы Tengrinews.kz тілшісіне ҚР Қорғаныс министрінің орынбасары Бақыт Құрманбаев айтты.
Вице-министр қандай ауру түрлері азаматтардың әскерге алынуына жиі кедергі болатынын айтты.
- Денсаулық жағдайы, әскери қызметке қатысы жоқ ауру түрлері бойынша мерзімді әскери қызметке жарамсыз деп танылатын адамдардың нозологиясы құрылымында психика мен мінез-құлық ауытқуы бірінші орында, 25,4%. Екінші орында қанайналым және жүйке жүйесі аурулары, әрқайсы 12,7%-тен, үшінші орында зәршығару, жыныс жүйелері мен асқорыту органдары ауруы, 10,4%-тен, – деді Бақыт Құрманбаев Мәжілістің Халықаралық істер, қорғаныс және қауіпсіздік жөніндегі комитетінің отырысында.
Оның айтуынша, психика мен мінез-құлық ауытқуының негізгі себебі – “бейімделудің бұзылуы” деген диагноз, оның симптомдары әдепкі жағдайдың күрт әрі күйзеліс туғыза өзгеруіне және қолайсыз оқиғаларға тұрақты жағымсыз реакция білдіру түрінде байқалады.