Қазақстан Тоқаев Қостанайда қызмет барысында қаза болған полицейді марапаттады
ҚР-дың президенті Қасым-Жомарт Тоқаев қызмет барысында қаза болған Д.С.Базарбаевты ІІІ дәрежелі "Айбын" орденімен марапаттады
Бұл туралы Ақорданың ресми сайтында жарияланды.
- Қызметтік борышын атқару үстінде көрсеткен ерлігі мен жанқиярлығы үшін Ішкі істер министрлігі Қостанай облысы Полиция департаменті Қостанай ауданы полиция бөлімінің полицейі марқұм Дархан Серікұлы Базарбаев ІІІ дәрежелі "Айбын" орденімен марапатталсын, - деп мәлімдеді Тоқаев.
Жарлық қол қойылған күнінен бастап қолданысқа енгізіледі.
Естеріңізге салайық, бұған дейін Қостанайда полиция қызметкері қаруланған ер адамнан отбасын құтқару кезінде қаза тапқаны жайлы айтылған еді.