Қазақстан ІІМ кімдер алаяқтардың қолынан көп зардап шегетінін айтты
ҚР ІІМ қазақстандықтарға банк карталарының суретін WhatsApp қосымшасы арқылы жібермеу керектігін ескертеді
Криминалдық полиция департаментінің Киберқылмыспен күрес бойынша орталығы басшысының орынбасары Рүстем Дүйсетаев әсіресе Нұр-Сұлтан, Алматы мен Шымкент қалаларының тұрғындары ғаламтор арқылы алаяқтардың арбауына жиі ұшырайтындығын айтты, деп жазады "Қазақпарат" ХАА сайты.
Ол WhatsApp қосымшасы арқылы банк есепшотына қатысты ақпараттарды жіберу же қауіпті екенін тілге тиек етті.
- Әркім жақынына WhatsApp арқылы жеке бас құжатының суретін немесе банк картасының, картаның сол жақ бетінің суретін жіберген болар. Олай істеуге болмайды. Онлайн сауда жасауға ол ақпараттар жеткілікті. Ғаламторды пайдаланудың қарапайым ережелері бар, - деді ІІМ өкілі.
Оның айтуынша, телефондағы, әлеуметтік желідегі және мессенджерлердегі құпия сөзді жиі ауыстырып отыру керек. Осылайша ғаламтор арқылы арбайтын алаяқтарға сіздің жеке басыңызға қатысты ақпараттарды алу қиындай түседі.
