Қазақстан ХҚКО ақпараттар базасы тірі қазақстандықты өлгендер қатарына тіркеп тастаған
Теміртау тұрғыны жұмысқа орналасу үшін Халыққа қызмет көрсету орталығынан анықтама алу үшін барғанда өзінің тірілер санатында жоқ екенін білген
Бұл бірінші рет орын алып тұрған жоқ. Үш жыл бұрын тура осындай мәселе болған. Бірақ ол кезде құжаттарын қалпына келтіріп алған, деп хабарлайды "Еуразия бірінші арнасы".
Бір ай бойы ол өзінің тірі екенін дәлелдеу үшін түрлі инстанцияларға жүгіріп жүр. Әсіресе, орналасатын жұмысы күтпейтіндігі қынжылтады.
Мекемедегілер құжаттар шатасқандығын айтады. Оның шынымен де қайтыс болған аттасы болған. Базаны жаңартқанда осындай олқылық орын алса керек. Сол үшін де тірі адамға өлді деген статус белгілеп қойған.
