ҚР БҒМ Азаматтық авиация академиясын лицензиядан айырмақ

Азаматтық авиация академиясында жоспардан тыс тексеріс жүргізіліп, бірқатар олқылықтар анықталды

Тексерістер 4-7 қараша аралығында жүрген, деп жазады Tengrinews.kz сайты.

Тексеріс нәтижесінде бұған дейін анықталған олқылықтар ҚР БҒМ түзетуге тапсырма берсе де жойылмағаны анықталды.

Олқылықтар қайта анықталғандықтан Әкімшілік құқықбұзушылық туралы кодекске сай Академияға әкімшілік айыппұл салынады немесе лицензиясынан айырады.

Мекеме мәлімдегендей, әкімшілік іс туралы материалдар Алматыдағы мамандандырылған ауданаралық сотқа жіберілді.