Қазақстан Қыс жылы әрі қарлы болады
"Казгидромет" РММ алдағы қыс мезгіліне арналған болжамын жасады
Алдын ала олжам бойынша, қарашада Қазақстанның басым бөлігінде ауа температурасы нормадан 1°С-ға жоғары болады. Бірақ шығыста сыртқы ауа температурасы қалыпты болады.
Жауын-шашын да күздің соңғы айында нормадан аспайды. Бірақ оңтүстік пен солтүстік-шығыста жауын-шашын нормадан артық жауса, оңтүстік-батыста нормадан аз.
Қазақстанның басым бөлігінде желтоқсан мен қаңтарда жылы болады. Кей күндері 3-5°С-тан төмендейді.
Желтоқсанда қар мол жауады деп күтілуде.
Ал ақпанда ауа температурасы нормадан 1-2°С-қа төмен, республиканың оңтүстік-батыс бөлігінде аздаған жауын-шашын күтіледі.
Көктемде ауа температурасы нормадан 1°С-қа жоғары және жауын-шашын нормадан аспайды.
