Қазақстан Қазақстандық көлік жүргізушілер жеке куәлігін өзгертеді
Қазақстандық жаңа үлгідегі жүргізуші куәлігінде автокөлік иесінің саусақ іздері де көрсетілетін болады
Мұндай шаралар құжаттың қорғалуын күшейтеді, деп хабарлайды Tengrinews.kz сайты.
- Біз жүргізуші куәліктерін және тіркеу куәліктерін қорғауды күшейту бойынша шаралар қолданамыз. Жаңа үлгідегі чиптерді енгізіп, оларды сыйымдылығы жоғары жадымен қамтамасыз етеміз. Бұл көлемді ақпарат енгізу үшін қажет, себебі чиптерге көлік иелері мен жүргізуші куәлігі иелерінің биометрикалық деректері – саусақ іздерін енгізуді жоспарлап отырмыз, - деп хабарлады ІІМ Әкімшілік полиция комитеті.
Жаңа куәліктерде чип кері жағында орналасады, мұнда жүргізуші куәлігі мен жеке бас куәлігі ұқсас болып келеді. Сондай-ақ тіркеу туралы куәліктің түсі өзгертіледі. Саусақ іздерін енгізу 2021 жылдан басталады. Осы кезеңде жүргізуші куәлігін жаңарту басталады.
