Қазақстанда алкоголь өнімін жарнамалауға рұқсат беруге ұсынды

Отандық алкогольді жарнамалауға тыйым салуды жою туралы ұсыныс ақпараттық және әлеуметтік даму саласындағы қоғамдық кеңестің отырысында айтылды, деп хабарлайды Zakon.kz сайты. Ақпарат туралы заң жобасын бұқаралық ақпарат құралдары саласындағы мемлекеттік саясат бөлімінің басшысы Бахнияз Карашин таныстырды

- Осы норма енгізілмес бұрын біз халықаралық тәжірибені, сондай-ақ медиа саланың бүгінгі күндегі жағдайын зерделегенін атап өткім келеді, - деді ол.

Сонымен бірге ол жарнаманы көрсетуге рұқсат етілген уақытта шетелдік алкоголь өнімдеріне көбейгенін, ал отандық өнімді жарнамалау қазақстандық БАҚ үшін қосымша табыс көзі бола алатынын атап өтті.

Алайда тыйымның алынып тасталуы белгілі бір шектеулер мен шарттарды қамтитыны атап өтілді. Заң жобасына сәйкес алкогольдік жарнама қағаз басылымдарының бірінші және соңғы беттерінде орналастырылмауы керек, ал телеарналарда көрсетілетін уақыт сағат 22-ден таңғы 6-ға дейін болу керектігін айтты.

- Бұл жерде біз балаларды зиянды ақпараттан қорғау туралы заңды ескереміз. Қазіргі уақытта заңға сәйкес, балалар бұл уақытта теледидар алдында болмауы керек, тиісінше, мұндай жарнамаларды тарату оларға зиянын тигізбейді. Эфир барысында жарнама осындай сусындарды теріс пайдаланудың қауіптілігі туралы міндетті ескертумен қатар, салауатты өмір салтын қалыптастыру туралы әлеуметтік роликпен бірге жүреді, - деп қорытындылады Карашин.