Қазақстан Қазақстан Қаржы министрлігі салық төлемегендерге айыппұл салынатындығын жоққа шығарды
Әлеуметтік желілерде салық бойынша борышкерлерге өсімнен басқа айыппұл есептеледі деген ақпарат пайда болды
Айыппұл көлемі 8 АЕК немесе 20200 теңге көлемінде көрсетілген, деп хабарлайды ҚР Қаржы министрлігінің ресми сайты.
Бұл ақпаратты ҚР ҚМ Мемлекеттік кіріс коммитеті де жоққа шығарады, мұндай хабарламалар шындыққа сәйкес келмейді деп мәлімдейді.
ҚР қолданыстағы Салық кодексі салықты төлеу мерзімі өткен әрбір күн үшін өсімпұл есептеуді ғана қарастырады. Салық төленбеген жағдайда ешқандай айыппұл санкциялары көзделмеген. Мемлекеттік кірістер комитеті жеке тұлғалар үшін бюджетке жер және мүлік салықтарын төлеу мерзімі 1 қазанда, ал көлік салығын - 31 желтоқсанда аяқталатынын еске салады. Бұдан басқа, жылдың соңына дейін жеке тұлғалар үшін салықтық рақымшылық қолданылады - борыштың негізгі сомасын төлеген жағдайда өсімпұл есептен шығарылады. Салық берешегінің бар немесе жоқ екендігі туралы Мемлекеттік кіріс комитетінің сайтынан білуге болады.
