Қазақстан Шымкентте зообаққа келген адам жирафқа мініп алған
Шымкенттегі зообақтың Facebook әлеуметтік желісінде жарияланған видеодан келушілердің бірінің жирафқа мініп алғаны байқалады
Бейнежазбада анық байқалып тұрғандай, ер адам қоршау темірлеріне сүйене отырып, жануардың үстіне шығып алған, деп хабарлайды "Қазақпарат" ХАА сайты.
Бұл оқиға 27 шілде күні орын алған. Тіпті, ол құлап кетермін деп те сескенбеген.
Зообақтың әкімшілігі осы оқиғадан кейін өз оқырмандарына Facebook әлеуметтік парақшасы арқылы ескерту жасаған.
- Бұл азамат пен оның жолдасы мас болған шығар. Бірақ ол зообақ аймағында жүру ережелерін өрескел бұзып отыр. Бұл ескертулер мекеменің радиожүйесі арқылы әр 15 минут сайын хабарланып та отырады. Одан өзге, зообақ аймағында ескертпелер жазылған тақтайшалар да ілінген, - деп атап өтті зообақ әкімшілігі.
Тәртіп бұзған азаматтың үстінен арыз берген әкімшілік, бұл азаматты жауапқа тартуды талап етуде.