Қазақстан Нұр-Сұлтанда ғылыми онкологиялық орталық салынуда
Нұр-Сұлтанда жаңа ұлттық ғылыми онкологиялық орталықтың құрылысын аяқтау 2021 жылдың наурыз айына жоспарланған
Қазақстан Премьер-министрі Асқар Мамин Тұңғыш Президенттің тапсырмасы бойынша салынып жатқан Нұр-Сұлтандағы ұлттық ғылыми онкологиялық орталықта болды.
Үкімет басшысына жаңа ғылыми онкологиялық орталықтың құрылысы бойынша Жол картасын жүзеге асыру барысы туралы баяндалды, ғимаратты жобалау схемасы таныстырылды.
- Ғылыми онкоорталық 6 қабаттан тұрады. Құрылыстың жалпы ауданы - 49 шаршы метрден астам. Құрылыс алаңы - 16 мың шаршы метрден астам. Құрылысты 2021 жылдың наурыз айында аяқтау жоспарлануда, - деп хабарлайды Үкімет баспасөз қызметі.
Жаңа орталықта қатерлі ісік ауруларын диагностикалау мен емдеудің озық технологиялары, оның ішінде құрылған кардиологиялық және нейрохирургиялық кластерлердің тәжірибесін пайдалана отырып, лазерлік, сәулелік және жасушалық-иммундық терапия пайдаланылады деп жоспарлануда.
Үкімет баспасөз қызметінің мәліметінше, бүгінгі таңда уақытша ғимараттар мен құрылыстарды орнату, қолданыстағы әкімшілік-тұрмыстық ғимараттарды бұзу, қазаншұңқырларды қазу, Су деңгейін төмендету, қадаларды қағу жұмыстары орындалды, сондай-ақ іргелі жұмыстар басталды.