Қазақстан Қазақстанда білім беру бағдарламасы жаңартылады
Білім беру саласындағы жаңа мемлекеттік бағдарлама 2019 жылдың соңына дейін бекітілуі тиіс
Қазақстанның білім беру бағдарламасындағы өзгерістер туралы Қазақстан премьер-министрі Асқар Мамин хабарлады, деп хабарлайды Zakon.kz сайты.
- Ағымдағы жылдың соңына дейін 2025 жылға дейін білім мен ғылымды дамытудың жаңа мемлекеттік бағдарламасы бекітіледі. Оның аясында үш ауысымды мектеп мәселесі шешілетін болады. Барлығы 500 мектеп салу жоспарлануда. Оның ішінде 100-ден астам жеке меншік мектеп жан басына қаржыландыруды енгізу есебінен ашылады, - деді Үкімет басшысы.
2021 жылға қарай барлық мектептер, колледждер мен ЖОО-лар жаңа оқу бағдарламаларына көшеді.
Жаңа бағдарлама білім беру сапасын арттыруға, әсіресе шағын жинақты мектептерде, сондай-ақ ауылдық және қалалық мектептер арасындағы алшақтықты азайтуға арналған.
Бұдан басқа, колледждерді жұмыс берушілерге сенімді басқаруға беру басталады, бұл білім беруді экономиканың қажеттіліктеріне қайта бағдарлауға мүмкіндік береді.
- 390 колледжде WorldSkills халықаралық стандарттары мен модульдік бағдарламалар енгізілетін болады. Бұдан басқа, қазіргі колледждер желісін нарық қажеттілігіне қарай оңтайландыру және бейіндеу жүргізілетін болады, - деді Мамин.
Сондай-ақ, оның айтуынша, 1 қыркүйектен бастап ТжКБ жұмысшы мамандықтары бойынша оқушыларға стипендияны 30%-ға арттыру жоспарлануда.
