Қазақстан Өзгенің өміріне араша боламын деп, өзі ажал аузынан қалды
Ішімдікке сылқия тойған бұзақыдан балалы әйелді құтқармақ болған Жезқазған қаласының пробация қызметінің инспекторы пышақ жарақатын алған
ҚР ІІД қылмыстық-атқару жүйесі комиетінің баспасөз қызметі ұсынған ақпараттарға сүйенсек, бейсенбі күні түнде Баламамедов Гиа есімді пробация қызметкері жұмыстан қайтып келе жатқан. Көшелердің бірінің ауласында орын алған жанжалдың куәсі болады. Жақын келген ол мас азаматтың қолында баласы бар әйелді соққыға жыққанын байқаған. Үйдің темір есігіне соғылған келіншек құлап қалған. Оған тәртіп сақшысы бейжай қарап қалмай, араша түскен.
- Нәтижесінде азаматша құтылып кетсе, бұзақы заң қызметкерін пышақпен жарақаттаған, - деп атап өтті баспасөз қызметі.
Қазір Баламамедовтың жағдай қанағаттанарлық, Жезқазғандағы орталық аудандық аурухананың жансақтау бөлімінде жатыр.
Бұзақыға қатысты тиісті тергеу шаралары ұйымдастырылуда.
