Қазақстан Бақылау комиссиясы ҰБТ кезінде не істеген?
Сыбайлас жемқорлықпен күрес қызметі ұсынған ақпараттарға сүйенсек, Қазақстанның кей аудандарында бақылаушыларды "жібіту" үшін ішімдік қойып, ас та төк дастархан жайған
Мәселен, Алматыда БҒМ-нің комиссия мүшелері емтихан кезінде көңіл көтеру орнында ішімдік ішіп, сайран құрған, деп жазады Tengrinews.kz.
Бұндайдан Жамбыл облысындағылар да қалыспаған. Ондағылар тіпті 25 адамға арнап дастархан жайған.
Ал Ақтөбе облысында Мұғалжар ауданы әкімінің орынбасары мен мектеп директорының үстінен қылмыстық іс қозғалған. Олар БҒМ-нен келген комиссия мүшелерін лайықты дәрежеде күтіп алу үшін жалпы білім беретін, мектепке дейінгі білім беру ұйымдардан "жылу" жинаған.
Мекеме мәліметтеріне сүйенсек, аталған фактілер бойынша қызметтік тексеріс басталды.
