Қазақстан Қазақстандықтар үйлерді күтіп ұстауға кеткен шығынды бақылай алады
Бұл Қазақстанда енгізуді жоспарлап отырған "Е-Шаңырақ" ақпараттық жүйесінің арқасында мүмкін болмақ
Индустрия және инфрақұрылымдық даму министрлігінің баспасөз қызметі хабарлағандай, бұл жүйе көпқабатты тұрғын үйлерді басқару ұйымдары қызметінің ашықтығын қамтамасыз етуге қажет.
- Тұрғын үй шаруашылығын қайта құрылымдау мақсатында министрлік заң жобасына өзгертулер мен толықтырулар енгізуді көздейді. Заң жобасының жаңашылдығы - "Е-Шаңырақ" ақпараттық жүйесі, - деп хабарлады министрлік.
Жүйе тұрғындар, басқарушы компаниялар мен табиғи монополиялар субъектілері, басқару органдары, жергілікті атқарушы органдардың жеке кабинеттерін біріктіреді.
Осылайша тұрғындар шығын мен кірісті ашық көре алады, электронды түрде дауыс беру арқылы шешім қабылдауға қатыса алады.
