Қазақстан Қазақстанда жаппай үйлену тойы болады деп болжануда
Ұлттық экономика министрі Руслан Даленов таяудағы бес-алты жыл ішінде үйлену тойының өсетінін болжайды
Соңғы уақыттарда Қазақстанда некелер санының төмендеуі байқалады, деп хабарлайды Tengrinews.kz.
Ұлттық экономиканың министрі Руслан Даленов “бұл мәселе елдегі экономикалық жағдайға байланысты ма?” деген сұраққа жауап берді.
- Менің ойымша, бәрі экономикамен байланысты. Жыл сайын 140 мың адам үйленеді. Өкінішке орай, 55 мыңға жуық адам ажырасып жатыр. Біздің ойымызша, бұл әлі де 90-жылдардағы демографиялық көрсеткіштермен байланысты. 90-шы жылдары туылған адамдар саны аз, сондықтан олар осы кезеңге келіп тұр, - деді ол.
Министрдің айтуынша, некеге тұрудың ең танымал айы - қазан, ал ақпан айында ең аз үйлену тойлары өтеді.
- Алдағы 5-6 жылда біз некелер санының шыңына жетеміз. Көп ұзамай Қазақстанда жаппай үйлену тойлары басталады, - деді Даленов.
