Димаш Құдайберген өзінің тұңғыш альбомын шығарды

 Бұл жаңалықты ол өзінің Instagram парақшасында жариялады, деп жазды almaty.tv сайты.

- Бір сағат бұрын менің алғашқы жеке альбомым шықты. 37 секунд ішінде "платина" деңгейіне жетті. Ал бір сағатта 3 мәрте "платиналық" сатылым мөлшеріне шықты. Өте бақыттымын. Мені барлық бастамаларымды қолдап келе жатқан тыңдармандарыма көп рахмет! Менің табысым сіздердің арқаларыңызда, - деп жазды ол өз парақшасында.

Музыкалық альбомға "платина" деңгейі сатылым мөлшерімен белгіленеді. Оның шегі әр елде әрқалай екенін айту керек. Шоу-бизнесі дамыған АҚШ-та бұл деңгей 1 млн сатылымнан басталса, Ресейде 100 мыңдық сатылыммен  өлшенеді.